మహేశ్వరం, సెప్టెంబర్ 24, పోరు తెలంగాణ న్యూస్ ప్రతినిధి:
డ్రగ్స్ మహమ్మారిని తరిమికొట్టాలని మహేశ్వరం సిఐ రాఘవేందర్ రెడ్డి తెలిపారు. గురువారం మహేశ్వరం ప్రభుత్వ డిగ్రీ కళాశాలలో ఎన్.ఎస్.ఎస్ దినాన్ని పురస్కరించుకొని డ్రగ్స్ మహమ్మారి పట్ల విద్యార్థులకు అవగాహన కార్యక్రమాన్ని ప్రిన్సిపాల్ డాక్టర్ సంగీ రమేష్ తో కలిసి నిర్వహించారు. ఈ సందర్భంగా సిఐ రాఘవేందర్ రెడ్డి మాట్లాడుతూ.. యువత కష్టపడి చదువు ఉన్నత శిఖరాలను అందుకోవాలని ఆయన సూచించారు. డ్రగ్స్ ఇతర చెడు అలవాట్లకు విద్యార్థులు దూరంగా ఉండి మీ కళాశాలకు, తల్లిదండ్రులకు మంచి పేరు తీసుకురావాలి ఆయన సూచించారు. విద్యార్థి దశ నుండి యువత అన్ని రంగాలలో ముందుకు సాగాలని ఆయన సూచించారు. రోజురోజుకు పెరుగుతున్న సైబర్ నేరాల పట్ల యువత అప్రమత్తంగా ఉండాలని ఆయన కోరారు. విద్యార్థులు ఇతర విద్యార్థులకు డ్రగ్స్, సైబర్ నేరాల పట్ల అవగాహన కల్పించాలని ఆయన సూచించారు. ఈ కార్యక్రమంలో ఎస్సై ప్రసాద్, డాక్టర్ జహిదాబేగం, అధ్యాపకులు, విద్యార్థులు పాల్గొన్నారు.