భద్రాద్రి కొత్తగూడెం,
(పోరు తెలంగాణ-పినపాక నియోజకవర్గ ప్రతినిధి-వల్లెపోగు రాము)
భూర్గంపహాడ్ అక్టోబర్ 2 :-
తెల్లవారుజామున బూర్గంపహాడ్ మండలం జింకల గూడెం గ్రామంలో భద్రాద్రి కొత్తగూడెం జిల్లా ఎస్పీ శ్రీ రోహిత్ రాజు ఆదేశాల మేరకు పాల్వంచ డిఎస్పి శ్రీ సతీష్ ఆధ్వర్యంలో కార్డెన్ అండ్ సెర్చ్ ఆపరేషన్ చేయడం జరిగింది.
ఈ కార్యక్రమంలో పాల్వంచ సీఐ సతీష్,బూర్గంపహాడ్ మండల సబ్ ఇన్స్పెక్టర్లు ప్రసాద్, నాగ భిక్షం, రామ్మూర్తి, పాల్వంచ టౌన్ ఎస్సైలు నాగరాజు, విజయ, పాల్వంచ రూరల్ ఎస్సై సురేష్, ములకలపల్లి ఎస్సై మధు ప్రసాద్ మరియు డాగ్స్ స్క్వాడ్ మరియు సిబ్బంది పాల్గొన్నారు.
ఈ కార్యక్రమంలో భాగంగా జింకల గూడెం గ్రామంలోని ప్రతి ఇల్లుని తనిఖీ చేసి గ్రామంలో ఎవరైనా అనుమానితులు ఉన్నారా అని, గ్రామంలో అసాంఘిక కార్యకలాపాలు గురించి తనిఖీ చేయడం జరిగింది. ఇందులో సరైన పత్రాలు లేని కారణంగా 40 వాహనాలను సీజ్ చేయడం జరిగింది.
పాల్వంచ డిఎస్పి సతీష్.. మాట్లాడుతూ గ్రామంలో ఎవరైనా గంజాయి సేవించే వాళ్ళు ఉన్నా లేదా అక్రమ రవాణా చేసిన, అదేవిధంగా పశువుల అక్రమ చేసిన వారు వివరాలు పోలీసులకు తెలియజేయాలని సూచించారు. చేతబడి బాణామతి లాంటి మూఢనమ్మకాలు నమ్మవద్దని ఆ మూఢనమ్మకాలతో ఎవరిని హింసించవద్దని తెలిపారు. వాహనదారులందరూ సరైన పత్రాలు కలిగి ఉండాలని వాహనాలు నడిపేట కచ్చితంగా హెల్మెట్,సీట్ బెల్ట్ ధరించాలని సూచించారు.