మంచిర్యాల టౌన్ పోలీస్ స్టేషన్ పరిధిలోని ఏసీసీ కాలనీలో డబ్బులు పందెంగా పెట్టి అక్రమంగా మూడు ముక్కలాట ఆడుతున్నారనే నమ్మదగిన సమాచారం మేరకు నార్కోటిక్ టీమ్/టాస్క్‌ఫోర్స్ ఏసీపీ శ్రీనివాస్ నేతృత్వంలో టాస్క్‌ఫోర్స్ ఎస్‌ఐలు దీకొండ రమేష్,లక్ష్మణ్ రావు, మంచిర్యాల టౌన్ ఎస్‌ఐ శ్రావణ్ మరియు సిబ్బంది సంయుక్తంగా దాడి నిర్వహించారు.
ఈ దాడిలో మూడు ముక్కలాట ఆడుతున్న 10 మందిని పట్టుకుని, వారి వద్ద నుంచి పేకముక్కలు, నగదు, సెల్‌ఫోన్లు, ద్విచక్ర వాహనాలను స్వాధీనం చేసుకున్నారు.
స్వాధీనం చేసుకున్న వస్తువులు:
1. పేకముక్కలు – 52
2. నగదు – రూ.40,840/-
3. సెల్‌ఫోన్లు – 10
4. ద్విచక్ర వాహనాలు – 5
పట్టుబడిన 10 మంది నిందితులను, స్వాధీనం చేసుకున్న నగదు, పేకముక్కలు, సెల్‌ఫోన్లు,ద్విచక్ర వాహనాలతో సహా తదుపరి చట్టపరమైన చర్యల నిమిత్తం మంచిర్యాల టౌన్ పోలీస్ స్టేషన్ ఎస్‌హెచ్‌ఓకు అప్పగించారు.