మహేశ్వరం, అక్టోబర్ 25, పోరు తెలంగాణ న్యూస్ ప్రతినిధి:
నేడు సోమవారం ఉదయం 11 గంటలకు జరిగే మెగా హెల్త్ క్యాంపు ను ప్రతి ఒక్కరు పాల్గొని విజయవంతం చేయాలని సిఐ రాఘవేందర్ రెడ్డి తెలిపారు. పోలీసు అమరవీరుల సంస్మరణ వారోత్సవాలలో భాగంగా అక్టోబర్ 21 నుండి 31వ తారీకు వరకు జరిగే కార్యక్రమాలలో భాగంగా మహేశ్వరం మండల కేంద్రంలో అంబేద్కర్ చౌరస్తా వద్ద మెగా క్యాంపు ను నిర్వహించడం జరుగుతుందని ఆయన పేర్కొన్నారు. ఈ మెగా హెల్త్ క్యాంపులో మహేశ్వరం మండలంలోని వివిధ గ్రామాల ప్రజలు, వివిధ రాజకీయ పార్టీల నాయకులు, ప్రజాప్రతినిధులు, యువకులు, పెద్ద సంఖ్యలో పాల్గొని విజయవంతం చేయాలని ఆయన ఒక ప్రకటనలో కోరారు.

