కొమురం భీం ఆసిఫాబాద్ జిల్లా సెప్టెంబర్ 18:
కుమురం భీమ్ ఆసిఫాబాద్ జిల్లాలో అనుమతి లేకుండా చెట్లను నరికివేయడం, అటవీ ఉత్పత్తులను అక్రమంగా తరలించడం వంటి చర్యలకు పాల్పడితే చట్టప్రకారం కఠిన చర్యలు తీసుకుంటామని జిల్లా అటవీ శాఖ అధికారి సి హెచ్ బాలమణి హెచ్చరించారు. చెట్లు పర్యావరణ సమతుల్యతను కాపాడటంతో పాటు వర్షపాతం, భూగర్భ జలాల సంరక్షణ, వన్యప్రాణుల ఆవాసాల పరిరక్షణలో కీలక పాత్ర పోషిస్తాయని తెలిపారు. ఒక్క చెట్టును నరికివేయడం వల్ల పర్యావరణానికి నష్టం కలగడమే కాకుండా, వన్యప్రాణుల నివాస ప్రాంతాలపై కూడా ప్రభావం పడుతుందని పేర్కొన్నారు. అటవి శాఖ అనుమతి లేకుండా చెట్లను నరికివేయడం, కలపను అక్రమంగా రవాణా చేయడం, నిల్వ చేయడం వంటి చర్యలకు పాల్పడే వ్యక్తులపై చట్టం ప్రకారం కేసులు నమోదు చేసి చట్టపరమైన చర్యలు తీసుకోబడతాయి అక్రమంగా చెట్లు నరికివేస్తున్నట్లు గమనించినట్లయితే సమీపంలోని అటవీ శాఖ కార్యాలయం లేదా సంబంధిత అటవీ అధికారులకు సమాచారం అందించాలని కోరారు. ప్రతి ఒక్కరూ అటవీ సంపదను సంరక్షించడంలో అటవీ శాఖకు సహకరించాలని జిల్లా అటవీ శాఖ అధికారి విజ్ఞప్తి చేశారు.
Regards,
Mohd Issak
CC to DFO KBM ASIFABAD.
