*హైదరాబాద్, నవంబర్ 13:*
విద్య, సంక్షేమం, సాధికారత ద్వారానే సమాజంలో నిజమైన సామాజిక న్యాయం సాధ్యమవుతుందని రాష్ట్ర షెడ్యూల్డ్ కులాలు, షెడ్యూల్డ్ తెగలు, దివ్యాంగులు, వయోవృద్ధులు, ట్రాన్స్‌జెండర్ వ్యక్తుల సంక్షేమ శాఖ మంత్రి శ్రీ అడ్లూరి లక్ష్మణ్ కుమార్ గారు స్పష్టం చేశారు. రాజ్యాంగం ప్రసాదించిన స్వేచ్ఛ, సమానత్వం, సౌభ్రాతృత్వం, న్యాయం అనే మౌలిక సూత్రాలను క్షేత్రస్థాయిలో అమలు చేస్తూ, సమాజంలోని అట్టడుగు వర్గాలకు అభివృద్ధి ఫలాలు అందించడమే తెలంగాణ ప్రభుత్వ లక్ష్యమని మంత్రి అడ్లూరి పేర్కొన్నారు.
