మానవత్వం చాటుకున్న మంత్రి అడ్లూరి

📰 Generate e-Paper Clip

జగిత్యాల// ఎండపల్లి మండలం గుల్లకోట గ్రామానికి చెందిన, ఎండపల్లి మండల BRS పార్టీ అధ్యక్షులు సింహాచలం జగన్ ఇటీవల ఆత్మహత్య చేసుకొని మృతి చెందడంతో, ఆయన కుటుంబాన్ని రాష్ట్ర మంత్రి అడ్లూరి లక్ష్మణ్ కుమార్ పరామర్శించారు.ఈ సందర్భంగా జగన్ కుటుంబ సభ్యులను ఓదార్చి, *వారి కుటుంబానికి రూ.50,000 ఆర్థిక సహాయం అందించారు*. బాధిత కుటుంబానికి ప్రభుత్వం అన్ని విధాలుగా అండగా ఉంటుందని మంత్రి తెలిపారు.కుటుంబ పరిస్థితులను దృష్టిలో ఉంచుకుని ప్రభుత్వం తరఫున అవుట్సోర్సింగ్ ఉద్యోగం కల్పించే విధంగా అవసరమైన చర్యలు తీసుకుంటామని,వారి పిల్లల చదువు విషయంలో అండగా ఉంటామని హామీ ఇచ్చారు. కుటుంబానికి అవసరమైన సహాయ సహకారాలు అందించేందుకు ప్రభుత్వం కృషి చేస్తుందని భరోసా కల్పించారు.ప్రతిపక్ష BRS పార్టీకి చెందిన నాయకుడి కుటుంబం అయినప్పటికీ, రాజకీయాలకు అతీతంగా మానవతా దృక్పథంతో స్పందించి బాధిత కుటుంబానికి అండగా నిలిచిన మంత్రి అడ్లూరి లక్ష్మణ్ కుమార్ పట్ల కుటుంబ సభ్యులు, స్థానికులు కృతజ్ఞతలు తెలిపారు.