కృత్రిమ కొరత సృష్టిస్తే ఊరుకోం: రైస్ మిల్లర్లకు ప్రభుత్వ వార్నింగ్

Date:

Share post:

📰 Generate e-Paper Clip

 

Hyderabad,:రాష్ట్రంలో బియ్యం ధరలు అమాంతం పెరగకుండా, సామాన్యులకు అందుబాటులో ఉండేలా తెలంగాణ ప్రభుత్వం ముందుజాగ్రత్త చర్యలు చేపట్టింది. పౌర సరఫరాల శాఖ కమిషనర్ శ్రీ ఎం. స్టీఫెన్ రవీంద్ర (IPS) ఆదేశాల మేరకు హైదరాబాద్‌లోని సివిల్ సప్లై భవన్‌లో ఉన్నత స్థాయి సమావేశం జరిగింది. *పౌర సరఫరాల శాఖ డైరెక్టర్ శ్రీ జి.వి. శ్యామ్ ప్రసాద్ లాల్* నేతృత్వంలో మిర్యాలగూడ, నిజామాబాద్, నల్గొండకు చెందిన ప్రముఖ రైస్ మిల్లర్లు, హోల్‌సేల్ వ్యాపారులతో ఈ సమావేశం నిర్వహించారు. మార్కెట్లో బియ్యం కొరత లేకుండా చూడాలని, వినియోగదారులకు అందే ధరలను అదుపులో ఉంచాలని ఈ సందర్భంగా వారికి స్పష్టం చేశారు.

ప్రస్తుతం మార్కెట్లో ఉన్న బియ్యం నిల్వలన్నీ గత సీజన్‌కు చెందినవే కాబట్టి, ధరలను అమాంతం పెంచడానికి వీల్లేదని అధికారులు వ్యాపారులకు తేల్చిచెప్పారు. కృత్రిమ కొరత సృష్టించినా, అక్రమంగా బియ్యాన్ని గోదాముల్లో దాచిపెట్టినా చట్టపరంగా కఠిన చర్యలు తప్పవని గట్టిగా హెచ్చరించారు. వ్యాపారుల లాభాపేక్ష వల్ల సామాన్య ప్రజలు ఆర్థికంగా ఇబ్బంది పడకూడదన్నదే ప్రభుత్వ ఉద్దేశమని అధికారులు స్పష్టం చేశారు. ఈ విషయంలో ప్రభుత్వం ఎవరినీ ఉపేక్షించేది లేదని తెలిపారు.

ధరలను అదుపులో ఉంచడంతో పాటు ప్రభుత్వానికి అన్ని విధాలా సహకరించాలని మిల్లర్లకు అధికారులు సూచించారు. పరిస్థితిని బట్టి మార్కెట్లో ప్రభుత్వం ప్రత్యేక కౌంటర్లు తెరిచి బియ్యం విక్రయిస్తుందని, అప్పుడు ఆ కౌంటర్లకు ఎలాంటి అంతరాయం లేకుండా బియ్యం సరఫరా చేయాలని అధికారులు స్పష్టం చేశారు.

ఎప్పటికప్పుడు మార్కెట్‌ను పర్యవేక్షిస్తూ, ప్రజల సంక్షేమం కోసం పౌర సరఫరాల శాఖ చిత్తశుద్ధితో పనిచేస్తోందని అధికారులు వెల్లడించారు. పారదర్శకతతో పాటు, సామాన్యులకు అందుబాటులో ఉండే ధరల ద్వారా ప్రజలందరికీ ఆహారం అందేలా ప్రభుత్వం పటిష్టమైన చర్యలు తీసుకుంటోందని తెలిపారు.

spot_img
spot_img

Related articles

పీఎం జన్మన్ ఇళ్ల సమావేశాన్ని విజయవంతం చేయాలి.కోలాం తెగకు చెందిన ప్రజలందరూ పెద్ద సంఖ్యలో హాజరుకావాలి.

పోరు తెలంగాణ నవంబర్ 16: కొమురం భీం ఆసిఫాబాద్ జిల్లా.   ఆసిఫాబాద్: పీఎం జన్మన్ పథకం కింద ఇళ్ల మంజూరు, సంబంధిత సమస్యలపై చర్చించేందుకు మంగళవారం...

పీఎం జన్మన్ ఇళ్ల సమావేశాన్ని విజయవంతం చేయాలి.కోలాం తోటి ప్రజలందరూ పెద్ద సంఖ్యలో హాజరుకావాలి.

  పోరు తెలంగాణ కొమురం భీం ఆసిఫాబాద్ జిల్లా నవంబర్ 16: ఆసిఫాబాద్: పీఎం జన్మన్ పథకం కింద ఇళ్ల మంజూరు, సంబంధిత సమస్యలపై చర్చించేందుకు మంగళవారం...

సాంకేతికతలో ప్రపంచానికి దిక్సూచిగా భారత్ ఎదగాలి: రాజ్‌నాథ్ సింగ్

Nov 16, 2026, సాంకేతికతలో ప్రపంచానికి దిక్సూచిగా భారత్ ఎదగాలి: రాజ్‌నాథ్ సింగ్ 15వ అంతర్జాతీయ ఎరో ఎన్‌డీటీ 2026 సింపోజియంలను కేంద్ర రక్షణ మంత్రి...

టీజీపీఎస్సీ ద్వారా 102 స్టాటిస్టికల్ ఆఫీసర్ పోస్టుల భర్తీ

Nov 16, 2026, టీజీపీఎస్సీ ద్వారా 102 స్టాటిస్టికల్ ఆఫీసర్ పోస్టుల భర్తీ TGPSC రాష్ట్ర ఆర్థిక, గణాంకాల శాఖలో 102 మండల ప్లానింగ్ అండ్...
App Icon

Install PORU TELANGANA App

Add to home screen for faster loading and latest updates.